D´esti mou, nel nivel de sestu d´Educación primaria iguáronse cinco grupos de cuatro escolinos/es (acordies col sociograma fechu enantes pola turora) nel que s´esbilló l´alumnáu y se punxeron delles funciones pa los/es participantes: coordinador/a, secretariu/a pa tomar notes nel cuadernu d´equipu, responsable del material y animador/a.
Fíxose una actividá na qu´había de venceyar un conxuntu de cuatro fiches rellacionaes en cuantes a la imaxe visual propuesta d´animales de la fauna asturiana y al léxicu nes llingües curriculares que s´estudien na escuela: castellán (en coloráu), bable/asturianu (en mariellu) ya inglés (n´azul). Plantegóse un total de 11 conxuntos, colo que cada equipu manexó 44 fiches p´aconceyar de mou correutu les referencies a los animales citaos: andolina, caballu´l diañu, salmón campanu, esguil, esperteyu, guardafontes, ferre palomberu, llagartesa, llóndriga, mustadiella y toliña.
Actividá que resultó mui prestosa pa los/es neños/es, con música previa pa relaxar y comentariu a lo cabero de les soluciones que los/es secretarios/es apuntaron nel so cuadernu d´equipu.
Fíxose una actividá na qu´había de venceyar un conxuntu de cuatro fiches rellacionaes en cuantes a la imaxe visual propuesta d´animales de la fauna asturiana y al léxicu nes llingües curriculares que s´estudien na escuela: castellán (en coloráu), bable/asturianu (en mariellu) ya inglés (n´azul). Plantegóse un total de 11 conxuntos, colo que cada equipu manexó 44 fiches p´aconceyar de mou correutu les referencies a los animales citaos: andolina, caballu´l diañu, salmón campanu, esguil, esperteyu, guardafontes, ferre palomberu, llagartesa, llóndriga, mustadiella y toliña.
Actividá que resultó mui prestosa pa los/es neños/es, con música previa pa relaxar y comentariu a lo cabero de les soluciones que los/es secretarios/es apuntaron nel so cuadernu d´equipu.
No hay comentarios:
Publicar un comentario