DEPRENDIMIENTU COOPERATIVU
Esti
llunes, 25 de febreru, fiximos col grupu de sestu d´Educación Primaria l´actividá XIXÓN POLIS, entamada pola Oficina de Normalización Llingüística
del Ayuntamientu de Xixón. Esta xera, que pue asitiase nes estayes de Llingua Asturiana y de Conocencia´l Mediu tien l´envís de
saber delles coses bien interesantes sobro los barrios xixoneses. Asemeyada al
famosu xuegu del MONOPOLY, hai de responder a delles entregues rellacionaes col
barriu onde se coloquen les fiches (cola forma del Eloxu l´Horizonte), dempués
de tirar un dau y cuntar el so númberu nel tableru xigante. Esplicación de
l´actividá pola monitora Mónica.
La
novedá d´esta xera ye que s´inxerta perbién nel nuesu proyeutu de APRENDIZAX COOPERATIVU a comuña. Nesti
casu, fiximos cuatro grupos de 4 escolinos/es y ún de 5 escolinos/es, nos que
se desendolcaron los roles que se vienen trabayando davezu en conceyos
collaborativos: coordinador/a (tira´l dau), secretariu/a (ayalgueru/a, en castellán
“tesorero/a”), responsable del material (fiches de los barrios) y animador/a
(mueve les fiches nel tableru). A la fin, una mena bien prestosa de trabayar y
xugar n´equipu.
Les
puntaciones finales de cada equipu foron les que van darréu:
Grupu
1 (naranxa) = 27 puntos.
Grupu
3 (verde) = 25 puntos.
Grupu
2 (coloráu) = 23 puntos.
Grupu
5 (mariellu) = 20 puntos.
Grupu
4 (roxu-marrón) = 19 puntos.
